Arte Plastikoetan eta Diseinuan Arte Aplikatuekin, Lanbide Artistikoekin, Diseinuarekin (modalitate guztietan) eta Kultura Ondasunen Kontserbazio eta Berriztapenekin zerikusia daukaten irakaskuntzak sartzen dira.
EGITURA
1. Arte plastikoen eta Diseinuaren Heziketa Zikloak
Arte Plastikoen eta Diseinuaren Heziketa Zikloek kalitatezko trebakuntza eskaintzen dute arte aplikatu eta lanbide artistikoen eremuan. Urte batetik bi urtera bitarteko iraupena duten ziklo hauetan badago heziketa zentroan egingo den trebakuntza aldia, enpresetan, estudioetan edota tailerretan praktikak egiteko aldia eta ziklo amaieran egin beharreko proiektua.
Erdi Mailako heziketa ziklo batek prestakuntza ematen du aukeratutako lanbidearekin zerikusia duten lantze-, burutze-, eta zuzeneko parte-hartze zereginetarako. Erdi Mailako heziketa zikloa gaindituz gero, Teknikari titulua eskuratzen da eta titulu honek Batxilergoko Arte Ikaskuntzan zuzenean sartzeko aukera ematen du, baita Goi Mailako Arte Plastikoetan eta Diseinuan sartzeko sarrera proba egiteko aukera ere (18 urtetik gorakoentzat).
Goi Mailako heziketa zikloa amaitzean, egindako espezialitateari dagokion Arte Plastikoetako eta Diseinuko Goi mailako Teknikari titulua lor dezakegu. Titulu horrek Kultura Ondasunen Kontserbazio eta Berriztapena, Diseinua, Zeramika eta Beiragintzako ikasketan zuzenean sartzeko aukera emango digu, baita unibertsitateko goi mailako hainbat ikasketan sartzeko aukera ere.
Arte Plastikoetako eta Diseinuko Teknikari eta Goi Teknikari tituluak ofizialak dira eta Estatu osorako balio dute.
| ERDI MAILAKO HEZIKETA ZIKLOAK | GOI MAILAKO HEZIKETA ZIKLOAK |
| Jantzigintzako Arte Aplikatuak | Eskulturako Arte Aplikatuak |
| Liburugintza | Bitxigintza Artistikoa |
| Hormako Arte Aplikatuak | Diseinu Grafikoa |
| Eskulturako Arte Aplikatuak | Liburugintza |
| Lore Artea | Barnealdeen Diseinua |
| Zeramika Artistikoa | Industria Diseinua |
| Diseinu Grafikoa | Zeramika Artistikoa |
| Industria Diseinua | Jantzigintzako Arte Aplikatuak |
| Esmaltegintza Artistikoa | Hormako Arte Aplikatuak |
| Bitxigintza Artistikoa | Esmaltegintza Artistikoa |
| Ehungintza Artistikoa | Ehungintza Artistikoa |
| Beiragintza Artistikoa | Lore Artea |
|
| Beiragintza Artistikoa |
2. Arte Plastikoetako Eta Diseinuko Goi Irakaskuntzak
Irakaskuntza mota hauek arte, zientzia, eta teknologia alorrak hartzen dituzte bere baitan, kalitatezko prestakuntza eman eta goi mailako kualifikazioa eskaintzeko zenbait alorretan: arte aplikatuak, kultur ondasunen kontserbazio eta berriztapena, eta mezuak, objektuak eta giroak diseinatzea.
Goi mailako ikasketen hezkuntza-eskaintzak honako espezialitateak ditu:
| ESPEZIALITATEAK |
| Kultura Ondasunen Kontserbazio eta Berriztapena, ondoko espaezialitateekin: dokumentu grafikoa, eskultura, pintura eta ehunak. |
| Diseinua, ondoko espezialitateekin: produktuak, grafikoa, barnealdeak eta moda. |
| Zeramika |
| Beiragintza |
Diseinuko goi mailako ikasketek, espezialitate bakoitzean, hiru ikasturte hartzen dituzte, eta ikasketaren arabera, karrerako azken proiektua egin behar da. Ikasketa horiek amaitzean jasotako titulua ofiziala da, Estatu osorako balio du eta unibertsitateko diplomadun-tituluaren baliokidea da.
SARBIDEAK
Erdi Mailako Heziketa Zikloetara sartzea
Baldintza orokorrak:
- Derrigorrezko Bigarren Hezkuntzako graduatu-titulua izatea eta sartzeko proba gainditzea ikasleak irakaskuntza hauek aprobetxamenduz egiteko behar diren heldutasuna, ezagutzak eta gaitasunak egiaztatu ahal izateko.
Ondorengo tituluren bat izanez gero, ez dugu sarrera proba egin beharko:
- Arte Plastikoetako eta Diseinuko goi-mailako Teknikarien tituluak edo baliokideak.
- Egin beharreko espezialitateei bereziki loturiko Berariazko Lanbide Heziketako goi-mailako Teknikariaren tituluak.
Beste sarbide batzuk:
- Indarrean den ikasturtean 18 urte betetzea.
- Gizarte Bermeko programa gainditzea.
- Gutxienez ere, urtebeteko lan-eskarmentua egiaztatzea.
Goi mailako Heziketa Zikloetara sartzea
Baldintza Orokorrak:
- Batxiler-titulua izatea eta sartzeko proba gainditzea ikasleak irakaskuntza hauek aprobetxamenduz egiteko behar diren heldutasuna, ezagutzak eta gaitasunak egiaztatu ahal izateko.
Zuzeneko sarbidea:
- Arteetako Batxilergoa (aukeratutako heziketa-zikloko irakasgaiek eta aurretik ikasitakoek lotura zuzena dutela) edota Arte Batxilergoa (plan esperimentala).
- Arte Aplikatuetako graduatua, alor bereko espezialitateetan.
- Alor bereko Arte Plastikoetako eta Diseinuko Goi Teknikaria.
Beste sarbide batzuk (sarrera-proba):
- Proba egiteko unean 20 urte beteta izatea.
- Arte Plastikoetako eta Diseinuko Teknikari titulua dutenak, eta horrez gain, indarrean den ikasturtean 18 urte betetzea.
Arte Plastikoetako eta Diseinuko goi mailako ikasketara sartzea
Baldintza orokorrak:
- LOGSEko Batxiler-titulua edo baliokidea izatea, eta sartzeko proba gainditzea ikasleak irakaskuntza hauek aprobetxamenduz egiteko behar diren heldutasuna, ezagutzak eta gaitasunak egiaztatu ahal izateko.
Zuzeneko sarbidea (sarrera proba egin gabe):
- Arte Plastikoetako eta Diseinuko Goi Teknikaria izatea edota horren baliokide den titulua izatea.
Beste sarbide batzuk:
- Honako hauek sar daitezke Diseinu, Zeramika eta Beiragintzako goi mailako irakaskuntzetara: 25 urtetik gorakoak, baldin eta proba bat gainditzen duten. Proba horren bitartez aurreko heziketa-zikloko ezagutzak barneraturik dituztela egiaztatuko da, eta irakaskuntza hauek aprobetxamenduz agiteko behar diren adierazpenerako gaitasun eta trebetasunak dituztela egiaztatuko da.